Гадаад үг бичихэд баримтлах журам
ᠭᠠᠳᠠᠭᠠᠳᠤ ᠦᠭᠡ ᠪᠢᠴᠢᠬᠦ ᠳᠦ ᠪᠠᠷᠢᠮᠲᠠᠯᠠᠬᠤ ᠵᠢᠷᠤᠮ
ᠶᠠᠮᠠᠷ ᠴᠤ ᠤᠯᠤᠰ ᠤᠨ ᠪᠢᠴᠢᠭ ᠲᠦ ᠪᠠᠶᠢᠳᠠᠭ ᠮᠠᠷᠭᠤᠭᠠᠨ ᠲᠠᠢ ᠠᠰᠠᠭᠤᠳᠠᠯ ᠤᠨ ᠨᠢᠭᠡ ᠪᠣᠯ ᠭᠠᠳᠠᠭᠠᠳᠤ ᠦᠭᠡ ᠶᠢ ᠬᠡᠷᠬᠢᠨ ᠪᠢᠴᠢᠬᠦ ᠲᠤᠬᠠᠢ ᠪᠠᠢᠳᠠᠭ᠃ ᠮᠣᠩᠭᠤᠯ ᠤᠯᠤᠰ ᠤᠨ ᠬᠤᠪᠢ ᠳᠤ ᠶᠡᠷᠦᠩᠬᠡᠶ ᠳᠡᠭᠡᠨ ᠻᠢᠷᠢᠯ ᠪᠢᠴᠢᠭ ᠢᠶᠡᠷ ᠪᠢᠴᠢᠳᠡᠭ ᠲᠡᠢ ᠶᠠᠭ ᠢᠵᠢᠯ ᠢᠶᠡᠷ ᠪᠢᠴᠢᠵᠦ ᠪᠠᠶᠢᠭᠠ ᠪᠥᠭᠡᠳ ᠵᠥᠪᠬᠡᠨ ᠶᠠᠭ ᠲᠠᠭ ᠦᠰᠦᠭᠴᠢᠯᠡᠵᠦ ᠪᠢᠴᠢᠳᠡᠭ ᠳᠦᠷᠢᠮ ᠲᠡᠢ᠂ ᠪᠦᠷ ᠣᠯᠠᠨ ᠵᠠᠭᠤᠨ ᠵᠢᠯ ᠡᠨᠡ ᠳᠦᠷᠢᠮ ᠢ ᠮᠥᠷᠳᠡᠵᠦ ᠢᠷᠡᠭᠰᠡᠨ ᠭᠡᠵᠦ ᠬᠤᠳᠠᠯ ᠶᠠᠷᠢᠳᠠᠭ᠃ ᠮᠣᠩᠭᠤᠯ ᠤᠯᠤᠰ ᠲᠤ ᠬᠡᠪᠯᠡᠭᠰᠡᠨ ᠬᠠᠷᠢ ᠦᠭᠡ ᠶᠢᠨ ᠲᠣᠯᠢ ᠶᠢ ᠦᠵᠡᠬᠦ ᠳᠦ ᠮᠣᠩᠭᠤᠯ ᠪᠢᠴᠢᠭ ᠲᠦ ᠳᠠᠩ ᠭᠠᠭᠴᠠ ᠪᠢᠴᠢᠯᠭᠡ ᠪᠠᠷᠢᠮᠲᠠᠯᠠᠵᠤ ᠪᠠᠶᠢᠭᠠᠳᠤᠢ ᠪᠥᠭᠡᠳ ᠲᠤᠬᠠᠢ ᠶᠢᠨ ᠬᠡᠯᠡ ᠪᠡᠷ ᠳᠠᠭᠤᠳᠠᠳᠠᠭ ᠵᠠᠷᠴᠢᠮ᠂ ᠮᠣᠩᠭᠤᠯ ᠬᠡᠯᠡᠨ ᠳᠦ ᠲᠣᠬᠢᠷᠠᠭᠤᠯᠵᠤ ᠥᠭᠡᠷᠡᠴᠢᠯᠡᠨ ᠪᠢᠴᠢᠬᠦ ᠵᠠᠷᠴᠢᠮ ᠢ ᠨᠡᠯᠢᠶᠡᠳ ᠪᠠᠷᠢᠮᠲᠠᠯᠠᠳᠠᠭ ᠪᠠᠶᠢᠭᠰᠠᠨ ᠢ ᠪᠡᠯᠡᠬᠡᠨᠡ ᠬᠠᠷᠠᠬᠤ ᠪᠣᠯᠤᠮᠵᠢᠲᠠᠢ ᠪᠠᠶᠢᠳᠠᠭ ᠶᠤᠮ᠃
ᠮᠢᠨᠦ ᠬᠤᠪᠢ ᠳᠤ ᠶᠡᠷᠦᠩᠬᠡᠶ ᠳᠡᠭᠡᠨ ᠴᠣᠶᠢ᠊᠂ ᠯᠤᠪᠰᠠᠩᠵᠠᠪ ᠭᠤᠸᠠᠢ ᠶᠢᠨ ᠳᠦᠷᠢᠮ ᠢ ᠪᠠᠷᠢᠮᠲᠠᠯᠠᠳᠠᠭ᠃ ᠢᠩᠭᠢᠭᠡᠳ ᠲᠡᠭᠦᠨ ᠦ 《ᠮᠣᠩᠭᠤᠯ ᠪᠢᠴᠢᠭ ᠦᠨ ᠬᠠᠳᠠᠮᠠᠯ ᠲᠣᠯᠢ》 ᠳᠠᠭᠠᠨ ᠥᠭᠦᠯᠡᠭᠰᠡᠨ ᠭᠠᠳᠠᠭᠠᠳᠤ ᠤᠯᠤᠰ᠂ ᠨᠡᠶᠢᠰᠯᠡᠯ ᠦᠨ ᠨᠡᠷᠡ ᠶᠢ ᠪᠢᠴᠢᠬᠦ ᠵᠢᠷᠤᠮ ᠢ ᠡᠨᠳᠡ ᠣᠷᠤᠭᠤᠯᠤᠯᠠ᠃ ᠬᠠᠷᠢᠨ ᠥᠪᠦᠷ ᠮᠣᠩᠭᠤᠯ ᠳᠤ ᠥᠭᠡᠷᠡ ᠵᠢᠷᠤᠮ ᠪᠠᠷᠢᠮᠲᠠᠯᠠᠳᠠᠭ ᠪᠠᠶᠢᠵᠤ ᠮᠠᠭᠠᠳ ᠦᠭᠡᠢ ᠶᠤᠮ᠃ ᠲᠡᠶᠢᠮᠦ ᠠᠪᠠᠰᠤ ᠥᠪᠥᠷ ᠮᠣᠩᠭᠤᠯ ᠨᠥᠭᠦᠳ ᠮᠥᠨ ᠲᠠᠯᠴᠢᠷ ᠲᠤ ᠲᠠᠯᠪᠢᠪᠠᠯ ᠲᠠᠯᠠᠷᠬᠠᠬᠠᠤ ᠪᠣᠯᠤᠨᠠ᠃
ᠭᠠᠳᠠᠭᠠᠳᠤ ᠤᠯᠤᠰ᠂ ᠨᠡᠶᠢᠰᠯᠡᠯ ᠦᠨ ᠨᠡᠷᠡ
ᠣᠷᠤᠰ ᠦᠰᠦᠭ ᠢ ᠦᠨᠳᠦᠰᠦᠯᠡᠭᠰᠡᠨ 《ᠰᠢᠨᠡ》 ᠦᠰᠦᠭ ᠦᠨ ᠳᠦᠷᠢᠮ ᠳᠦ ᠭᠠᠳᠠᠭᠠᠳᠤ ᠦᠭᠡ ᠪᠦᠷᠢ ᠶᠢ ᠭᠠᠭᠴᠠᠬᠦ ᠣᠷᠤᠰ ᠬᠡᠯᠡᠨ ᠳᠦ ᠪᠢᠴᠢᠳᠡᠭ ᠢᠶᠡᠷ ᠯᠡ ᠪᠢᠴᠢ ᠬᠡᠮᠡᠨ 50 ᠵᠢᠯ ᠠᠯᠪᠠᠳᠠᠨ ᠳᠦᠷᠢᠮᠯᠡᠭᠦᠯᠦᠭᠰᠡᠨ ᠪᠢᠯᠡ᠃ ᠣᠳᠤ ᠣᠷᠤᠰ ᠤᠯᠤᠰ ᠠᠴᠠ ᠥᠭᠡᠷᠡ ᠣᠯᠠᠨ ᠤᠯᠤᠰ ᠲᠠᠢ ᠬᠠᠷᠢᠯᠴᠠᠨ᠂ ᠯᠠᠲ᠋ᠢᠨ ᠵᠡᠷᠭᠡ ᠪᠡᠷ ᠪᠢᠴᠢᠭᠰᠡᠨ ᠤᠯᠤᠰ᠂ ᠬᠣᠲᠠ ᠶᠢᠨ ᠨᠡᠷᠡ ᠲᠡᠢ ᠦᠯᠡᠮᠵᠢ ᠲᠣᠬᠢᠶᠠᠯᠳᠤᠳᠠᠭ ᠪᠣᠯᠤᠭᠰᠠᠨ ᠦᠶᠡ ᠳᠦ ᠭᠠᠳᠠᠭᠠᠳᠤ ᠦᠭᠡ ᠪᠢᠴᠢᠬᠦ ᠳᠦ ᠡᠨᠡ ᠲᠣᠯᠢ ᠳᠤ ᠪᠠᠷᠢᠮᠲᠠᠯᠠᠭᠰᠠᠨ ᠵᠢᠷᠤᠮ ᠠᠴᠠ ᠵᠠᠷᠢᠮ ᠢ ᠲᠣᠪᠴᠢ ᠥᠭᠦᠯᠡᠪᠡᠰᠦ᠄
- (1) ᠤᠭ ᠦᠨᠳᠦᠰᠦᠲᠡᠨ ᠦ ᠥᠪᠡᠷ ᠦᠨ ᠨᠢ ᠬᠡᠯᠡᠳᠡᠭ᠂ ᠪᠢᠴᠢᠳᠡᠭ ᠵᠢᠷᠤᠮ
- (2) ᠲᠤᠬᠠᠶ ᠶᠢᠨ ᠨᠡᠷᠡ ᠶᠢ ᠠᠩᠭᠯᠢ᠂ ᠹᠷᠠᠨ᠋ᠼᠠ᠂ ᠭᠧᠷᠮᠠᠨ ᠵᠡᠷᠭᠡ ᠬᠡᠯᠡ ᠪᠡᠷ ᠪᠢᠴᠢᠳᠡᠭ᠂ ᠳᠠᠭᠤᠳᠠᠳᠠᠭ ᠵᠢᠷᠤᠮ
- (3) ᠲᠤᠬᠠᠢ ᠶᠢᠨ ᠨᠡᠷᠡ ᠶᠢᠨ ᠮᠣᠩᠭᠤᠯ ᠢᠶᠠᠷ ᠪᠢᠴᠢᠬᠦ ᠳᠠᠭᠤᠳᠠᠬᠤ ᠡᠪ ᠵᠣᠬᠢᠰ ᠤᠨ ᠪᠠᠶᠢᠳᠠᠯ
- (4) ᠶᠡᠬᠡᠪᠴᠢᠯᠡᠨ ᠲᠤᠬᠠᠢ ᠶᠢᠨ ᠦᠭᠡ ᠶᠢ ᠦᠰᠦᠭᠴᠢᠯᠡᠰᠬᠢᠨ ᠪᠢᠴᠢᠭᠰᠡᠨ ᠪᠣᠯᠪᠠᠴᠤ ᠮᠣᠩᠭᠤᠯ ᠢᠶᠠᠷ ᠳᠠᠭᠤᠳᠠᠬᠤ ᠳᠤ ᠪᠡᠷᠬᠡᠪᠲᠦᠷ ᠵᠠᠷᠢᠮ ᠭᠠᠳᠠᠭᠠᠳᠤ ᠦᠭᠡ ᠶᠢ ᠪᠢᠴᠢᠬᠠᠨ ᠬᠢᠯᠪᠠᠷᠴᠢᠯᠠᠪᠠ᠃
- (5) ᠵᠠᠷᠢᠮ ᠦᠶᠡ ᠳᠦ ᠣᠯᠠᠨ ᠡᠭᠡᠰᠢᠭ ᠨᠢᠭᠡᠨ ᠳᠣᠣᠷᠠ ᠣᠷᠤᠭᠰᠠᠨ ᠭᠠᠵᠠᠷ 《᠊ᠦ᠋᠊》 ᠪᠠᠶᠢᠪᠠᠯ ᠭᠤᠸᠠᠢ ᠭᠡᠳᠡᠭ ᠦᠨ 《ᠸ᠊》 ᠰᠢᠭ ᠪᠤᠶᠤ 《ᠵ》 ᠪᠠᠶᠢᠪᠠᠰᠤ 《ᠶᠠ᠊》 ᠪᠠᠷ ᠲᠤᠰ ᠲᠤᠰ ᠬᠠᠯᠬᠠᠯᠠᠪᠠ᠃ ᠵᠢᠱᠢᠶᠡ ᠢᠨᠦ
Vanuatu ᠸᠠᠨᠦ᠋ᠸᠠᠲ᠋᠋ᠤ
Santiago ᠰᠠᠨ᠋ᠲ᠋᠋ᠢᠶᠠᠭᠣ᠋
Honiara ᠾᠣᠨᠢᠶᠠᠷᠠ ᠭᠡᠬᠦ ᠮᠡᠲᠦ᠃ - (6) 《ai》 ᠣᠷᠤᠭᠰᠠᠨ ᠢ 《ᠠᠶᠢᠮᠠᠭ》 ᠭᠡᠳᠡᠭ ᠦᠨ 《ᠵᠢ᠊》 ᠪᠡᠷ᠂ 《ᠵᠠ᠊》 ᠲᠡᠭᠦᠰᠬᠡᠯ ᠢ 《ᠵᠶᠠ》 ᠭᠡᠬᠦ ᠮᠡᠲᠦ ᠪᠡᠷ ᠪᠢᠴᠢᠪᠡ᠃ ᠵᠢᠱᠢᠶᠡ ᠨᠢ
Saint ᠰᠠᠶᠢᠨ᠋᠋ᠲ
Tunisia ᠲᠦᠨᠢᠰᠢᠶᠠᠠ - (7) ᠯᠠᠲ᠋ᠢᠨ ᠤ 《u》 ᠶᠢ ᠦᠭᠡ ᠶᠢᠨ ᠳᠤᠮᠳᠠ 《᠊ᠦ᠋᠊》 ᠬᠡᠮᠡᠨ ᠪᠢᠴᠢᠵᠦ᠂ ᠦᠭᠡ ᠶᠢᠨ ᠠᠳᠠᠭ ᠲᠤ ᠮᠣᠩᠭᠤᠯ ᠠᠪᠢᠶᠠᠨ ᠤ ᠡᠭᠦᠳᠡᠨ ᠡᠴᠡ ᠡᠷᠡ ᠡᠭᠡᠰᠢᠭ ᠢᠶᠡᠷ ᠳᠠᠭᠤᠳᠠᠮᠠᠷ ᠦᠶᠡ ᠳᠦ 《᠊ᠤ》 ᠬᠡᠮᠡᠨ᠂ ᠡᠮᠡ ᠡᠭᠡᠰᠢᠭ ᠢᠶᠡᠷ ᠳᠠᠭᠤᠳᠠᠮᠠᠷ ᠪᠣᠯ 《᠊ᠦ᠋》 ᠬᠡᠮᠡᠨ ᠪᠢᠴᠢᠪᠡ᠃ 《o》 ᠡᠭᠡᠰᠢᠭ ᠢ ᠢᠮᠠᠭᠲᠠ 《᠊ᠣ᠊》 ᠪᠠᠷ ᠪᠢᠴᠢᠪᠡ᠃
- (8) ᠵᠠᠷᠢᠮ ᠦᠭᠡ ᠶᠢᠨ ᠪᠢᠴᠢᠯᠭᠡ ᠶᠢ ᠣᠷᠤᠰ ᠪᠢᠴᠢᠭ ᠢᠶᠡᠷ ᠳᠠᠮᠵᠢᠨ ᠣᠷᠤᠭᠰᠠᠨ ᠤᠯᠠᠮᠵᠢᠯᠠᠯᠲᠤ ᠪᠢᠴᠢᠯᠭᠡ ᠪᠡᠷ ᠪᠢᠴᠢᠪᠡ᠃
No comments:
Post a Comment